ලහි ලහියෙ සැරසෙන්නෙ
පිළිගන්න අමුත්තන්
මල් මාල පලන්දා
පාරේ යන අය ද
ලස්සනට දළු දැරූ
ගස් දිහා බල බලා
බිම හැලුණ කොළ උඩ ම
යනු පෙනේ දුක නැතිව
හැලුණු කොල සියල්ල ම
සුළඟ සමඟ එකතු වී
හැම තැන ම කසු කුසුව
සැරසෙන්න සටනකට
අසාධාරණයක් වු විලස
අලුතින් ම දළු දැරූ
සිඟිති කොළ සියල්ල ම
සතුටින් ම උදම් වී
අඩි තබා නටන සැටි
මහළු වී බිම හැලුණු
කොළ බලා දුක් වේවි
තමනුත් මේ වගේ
උදම් වී සිටි සැටිය
මතකයේ ඇත තව ම
මේ සිඟිති දළු ටික ද
මහළු වු විට දි අප විලස
බිම දමා පාගවා
පොළොවට ම පස් වේවි
අභිරහස් මරණයක
වරදකරුවෙකු නැති විලස
වගකිව යුත්තෙක් සිටියි නම්
මේ සැමට
ලැහැස්තියි සටනකට
සැරසෙන්න අපි සැමත්
ඉල්ල ගන්නට
පෑගිලා යන අපේ අයිතිය
No comments:
Post a Comment